Kjo është foto e mjetit tip “Audi” të kreut të ‘Rithemelimit’ në Vaun e Dejës, Benard Ndreca i cili ka shpërthyer gjatë natës nga një sasi tritoli të vënë në pjesën e përparme. Kreu i ‘Rithemelimit’ nuk ka marrë lëndime ndërsa automjeti është shkrumbuar pjesërisht në pjesën e përparme.
Nga veprimet e para rezulton se shpërthimi ka ndodhur në momentin që Ndreca ka hipur në automjet. Grupi hetimor, në bashkëpunim me Prokurorinë, vijon veprimet intensive në vendngjarje me qëllim zbardhjen e rrethanave të ngjarjes, identifikimin dhe kapjen e autorit/ve.
