Kryetari i Partisë Social Demokrate Tom Doshi iu bashkua festës në dy vjetorin e themelimit të shoqatës artistiko – kulturore “Kçira” në Pukë. Kreu i PSD Doshi dënoi të shtënat me armë ditët e fundit në Pukë duke thënë se kjo tregon humbjen e kundërshtarit politik. Thirrja e Doshit është që gjithë pukjanët të votojnë kandidatin e Partisë Socialiste Gjon Gjonaj.
Ngjarjen e fundit në Pukë kandidati socialist Gjonaj e cilësoi si një autogol të kandidatit tjetër ndërsa falenderoi kryetarin e PSD Tom Doshi për mbështetjen e përhershme ndaj qytetarëve të Pukës.
Gjatë këtij aktiviteti shoqata kulturore “Kçira” shfaqi një koncert me vlerat dhe traditat që mbart Puka.
