Një automjet i djegur është gjetur nga policia e Lezhës pas vrasjes së Nikolin Marku Lekstakaj.
Automjeti me xhama të zinj, është gjetur në zonën e Gjaderit të Lezhës.
Nga kontrolli i policisë brenda saj është gjetur një armë zjarri tip kallashnikov.
Nga verifikimet dhe provat e deri tanishme policia përveç pistës së gjakmarrjes po përforcon edhe pistën e hakmarrjes.
Sipas hetuesve viktima në fjalë ka pasur disa konflikte në të kaluarën që nuk lidhën më gjakmarrjen.
Nga zona ku ka ndodhur vrasja e deri tek vendi ku është gjetur makina e djegur llogariten rreth 10 km çka autoreve iu është dashur më pak se 10 min për të shkuar në atë zonë dhe për ta djegur makinën.
