Biblioteka “Marin Barleti” organizoi prezantimin e romanit “Kohë dashurish të harruara”, të autorit Ardian Cerga.
Në aktivitet ishte i pranishëm kryetari i Bashkisë Shkodër, z. Bardh Spahia gjithashtu dhe shumë pjesëmarrës, lexues, miq të përherëshëm të Bibliotekës tonë.
Aktori i njohur i kinematografisë shqiptare, Ardin Cerga ka ardhur këtë herë para lexuesve dhe artdashësve shkodranë në një dimension të ri, në rolin e shkrimtarit.
Libri “Kohë dashurish të harruara”, bazohet në jetën personale të tij nga vitet ’80 deri më sot ku trajtohet një gamë e gjërë ngjarjesh nga jeta shoqërore e Shqipërisë së këtyre viteve.
Drejtori i Bibliotekës Maxhid Cungu, në fjalën e hapjes theksoi se shoqëria shqiptare ka nevojë për vepra të tilla letraro-artistike të cilat paraqesin një shikim retrospektiv të kësaj përiudhe në Shqipëri.
Veprimtaria u moderua me mjeshtëri nga aktorja e teatrit “Migjeni”, Merita Smaja e cila në vazhdim interpretoi pjesë nga libri.
Shkrimtari i mirënjohur Xhahid Bushati paraqiti një analizë të strukturës dhe kompozimit artistik të romanit. Gazetarja dhe prezantuesja Neda Elbasani lexoi dhe interpretoi pjesë të cilat krijuan atmosferën e ngjarjeve të përshkruara në libër.
Në vazhdim morën fjalën aktori Astrit Fani, lexuesi i pasionuar Sokol Haliti, pedagogu Gëzim Puka, shkrimtarja Mimoza Rexhvelaj, Arjola Zadrima, të cilët drejtuan pyetje në adresë së autorit si dhe dhanë përshtypjet e tyre për librin.
![](https://shkodrapost.com/wp-content/uploads/2023/04/340647354_923610952095420_6653466109326776539_n.jpg)
![](https://shkodrapost.com/wp-content/uploads/2023/04/341093665_778177393678150_1486577372961657525_n.jpg)
![](https://shkodrapost.com/wp-content/uploads/2023/04/340482074_131460116458429_7465185173339847449_n.jpg)
![](https://shkodrapost.com/wp-content/uploads/2023/04/341061794_186163600895684_4164598182477369118_n.jpg)
![](https://shkodrapost.com/wp-content/uploads/2023/04/340654638_707497017846400_5821024550482350389_n.jpg)
![](https://shkodrapost.com/wp-content/uploads/2023/04/341020077_932785344433547_7483001544420228087_n.jpg)