Një ngjarje e paprecedentë është regjistruar mbrëmjen e djeshme në zonën e quajtur Fshat i Ri në Vaun e Dejës.
Dy persona dyshohet se i vunë flakën një stalle me bagëti me qëllim hakmarrjen.
Policia shkoi në vendin e ngjarjes pa marrjes së informacionit dhe sipas dëshmisë së pronares së magazinës së djegur autorë të ngjarjes ishin Afrim Sadik dhe Gëzim Prendi.
Pasi u vunë në ndjekje të tyre, blutë e Shkodrës arritën të lokalizonin dy autorët e dyshuar në fshatin Rranxa.
Në momentin po bëhej ndalimi i tyre, Sadik dhe Prendi kanë dhunuar fizikisht punonjësit e policisë, i kanë kërcënuar me jetë si dhe kanë tentuar t’iu marrin automjetin.
Në vendngjarje kanë mbërritur shërbime mbështetëse, duke bërë të mundur arrestimin e dy autorëve të dyshuar.
