Shkodra Post
AktualitetKronika

Arrestohet në Spanjë një nga pengmarrësit e Jani Prengës, u paraqit si bullgar

Prangoset nga policia spanjolle një nga pengmarrësit e Jani Prengës, ngjarje e ndodhur dy vjet më parë në Kamzë.

Operacioni policor i koduar “Seville” çoi në pranga shtetasin e shumëkërkuar Gentjan Funiqi, alias Gentjan Martini, alias Festim Olomani, 40 vjeç, nga Shkodra.

Ky shtetas, në momentin e kapjes nga Policia, mbante një kartë identiteti bullgare të falsifikuar, me gjeneralitete Rayko Ivanov dhe një sasi lënde narkotike, të cilat janë sekuestruar nga Policia.

40-vjeçari ishte shpallur në kërkim ndërkombëtar nga Interpol Tirana, pasi Gjykata e Posaçme Kundër Korrupsionit dhe Krimit të Organizuar i ka caktuar masën e sigurisë “Arrest në burg”, për veprat penale “Rrëmbimi ose mbajtja peng e personit”, kryer në bashkëpunim dhe “Prodhimi dhe mbajtja pa leje e armëve, armëve luftarake dhe e municionit”.

Ky shtetas dyshohet se në bashkëpunim me shtetas të tjerë, në vitin 2020, në Kamzë, Tiranë, ka marrë peng shtetasin Jani Prengën

Interpol Tirana po punon për ekstradimin e këtij shtetasi drejt vendit tonë.

Related posts

EMRI/ 20 vjeçari nga Shkodra arrestohet në Portin e Durrësit, poshtë makinës i gjenden dy pako me drogë…

Si sot, më 9 shtator 1946, në Postribë u organizua kryengritja e parë antikomuniste në vend…

Spahia: Në Berdicë ku mbështetja për fitoren e 14 Majit është maksimale nga banorët e kësaj njësie…