Një 20 vjeçar nga Shkodra është arrestuar nga Policia në Portin e Durrësit, pasi nga kontrolli i imtësishëm në mjetin e tij, nën të, u gjetën të fshehura dy pako me drogë të llojit kanabis, por të përpunuara në formë çokollate.
Mësohet se është arrestuar shtetasi Endri Bushati. Në vijën e dytë në hyrje të Republikës së Shqipërisë, në automjetin tip “Seat” që drejtohej nga 20 vjeçari, shërbimet e Policisë Kufitare gjetën dhe sekuestruan 2 pako me lëndë narkotike kanabis në formë çokollate, me peshë totale rreth 450 g.
Në vijim të veprimeve procedurale për këtë rast, u arrestua në flagrancë shtetasi Endri Bushati banues në Shkodër, për veprën penale “Trafikimi i lëndëve narkotike”. Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
