Shkodra Post
Kronika

Shkodër/Vihet në pranga 1 shtetas dhe procedohen në gjendje të lirë 3 të tjerë…

DVP Shkodër/Vihet në pranga 1 shtetas dhe procedohen në gjendje të lirë 3 të tjerë, për vepra penale të ndryshme.

Specialistët për Hetimin e Krimeve të Komisariatit të Policisë Malësi e Madhe arrestuan shtetasin A. B., 38 vjeç, banues në fshatin Hani i Hotit, pasi ka ushtruar dhunë ndaj nënës së tij.

Specialistët për Hetimin e Krimeve Ekonomiko-Financiare të DVP Shkodër referuan materialet në Prokurori ku nisi procedimi në gjendje të lirë për shtetasin R. H., 44 vjeç, banues në Shkodër, pasi në dyqanin që administronte, u gjetën aksesorë të ndryshëm të dyshuar të kontrabanduar, pasi se ishin pa faturat përkatëse.

Specialistët për Hetimin e Krimeve të Komisariatit të Policisë Shkodër referuan materialet në Prokurori ku nisi procedimi në gjendje të lirë për shtetasin G. A., 70 vjeç, banues në Shkodër, pasi dyshohet se për motive të dobëta, ka kanosur një shtetase 67-vjeçe.

Specialistët për Hetimin e Krimeve të Komisariatit të Policisë Shkodër referuan materialet në Prokurori ku nisi procedimi në gjendje të lirë për shtetasin K. B., 30 vjeç, banues në fshatin Grizhë, pasi dyshohet se me vetëgjyqësi, i ka mbajtur automjetin një shtetasi tjetër, me pretendimin se ky i fundit i kishte para borxh.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Related posts

Nga Endrit Dokle te nipi i deputetit të PS, kush janë bosët shqiptarë që fshihen në Dubai dhe udhëheqin krimin nga suitat luksoze…

Banorët e Komanit bllokojnë tunelin pas sekuestrimit të mjeteve të tyre lundruese…

Vrasja e biznesmenit/ Llabani zbulon: Para një jave Ardian Nikulaj u konfliktua fizikisht me kryebashkiakun Ndreu…