Shkodra Post
AktualitetKronikaLajmi i Fundit

Arrestohet në Muriqan 22 vjeçari i shpallur në kërkim…

PKK Muriqan

Kapet një 22-vjeçar i shpallur në kërkim nga Policia e Krujës, si rezultat i verifikimeve të imtësishme nga shërbimet e Policisë Kufitare.

22-vjeçari ishte shpallur në kërkim pasi ka thyer masën e sigurisë “Arrest në shtëpi”, të caktuar nga Gjykata, për veprën penale “Kultivimi i bimëve narkotike”.

Shërbimet e Policisë Kufitare të PKK Muriqan, krahas angazhimit për t’iu ofruar shërbim korrekt shtetasve që hyjnë ose dalin nga kjo pikë e kalimit kufitar, vijojnë kontrollet dhe verifikimet e imtësishme për goditjen e paligjshmërive dhe për kapjen e shtetasve në kërkim që tentojnë të hyjnë apo të dalin nga kjo pkk.

Si rezultat i verifikimeve dhe i shkëmbimit të informacioneve me Komisariatin e Policisë Krujë, u kap dhe u ndalua shtetasi S. B., 22 vjeç, banues në Krujë.

Ky shtetas ishte shpallur në kërkim nga ky Komisariat, për veprën penale “Largimi i të burgosurit nga vendi i qëndrimit”, pasi gjatë kontrollit nga shërbimet e Policisë, nuk është gjetur në banesën e tij, ku duhej të kryente masën e sigurisë “Arrest në shtëpi”, të caktuar nga Gjykata, për veprën penale “Kultivimi i bimëve narkotike”.

Veprimet e tjera procedurale për këtë shtetas do të kryhen nga Komisariati i Policisë Krujë.

Related posts

Bie nga tribuna presidenti i Erzenit, tifozët shijakas paralajmërojnë arbitrin

Benet Beci e çel diten me falenderim për çdo qytetar që kanë arritur të ruajnë shtëpitë karakteristike shkodrane…

Juventusi mesazh tifozëve: Nëse biem në Serinë B ulim çmimet e biletave me 30%