Shkodra Post
AktualitetKronikaLajmi i Fundit

Ndërron jetë Profesor Dr. Vehbi Hoti…

Është ndarë nga jeta në moshën 81-vjeçare pedagogu shkodran profesor doktor Vehbi Hoti pas një sëmundje të rëndë. Lajmin për ndarjen nga jeta e kanë dhënë të afërm të tij të cilët njoftojnë se varrimi bëhet ditën e nesërme ora 11.00 në varrezat e Sharrës në Tiranë.

Vehbi Hoti lindi në Shkodër më 6 Prill 1942 ka qenë arsimtar dhe pedagog me një kontribut disadekadësh në arsimin shqiptar. U diplomua në Fakultetin e Shkencave të Natyrës së Universitetit të Tiranës, në Degën Biologji-Kimi.

Prej më shumë se 35 vitesh është pedagog në Universitetin e Shkodrës, “Luigj Gurakuqi” ku ka dhënë lëndët Psikologji-Pedagogji. Për punën e kontributin e tij është vlerësuar me tituj si “Mësues i Merituar” dhe “Urdhrin Naim Frashëri të Artë”. Për kontributin e dhënë në strehimin e hebrenjve në Shqipëri gjatë Luftës së Dytë Botërore, më 1994 familjes së tij iu njoh merita në listën Yad Vashem të “Të Drejtëve mes Kombeve.”

Universiteti i Shkodrës “Luigj Gurakuqi” e ka vlerësuar me titullin “Doctor Honoris Causa” ndërsa profesori Dhimitër Dhora me titullin “Professor Emeritus”.

Related posts

Bardh Spahia takim me edukatorët e kopshteve e çerdheve/ “Arsimi mbetet një shtyllë e fortë e cila do të ketë mbështetjen maksimale të Bashkisë Shkodër”

Qendra historike e Shkodrës rrezikon shkatërrimin/ Reagon arkitekti Zef Çuni: Pronarët e objekteve të përballen me ligjin…

VIDEO/ Krijuesi i “Mora fjalë”, historia e këngës që pushtoi zemrat kuqezi dhe brenga e Naim Gjoshit…