Mungesa e Enea Jorgjit që prej 3 prillit në një ndeshje të Superiores, është shndërruar në një situatë shqetësuese. Në lidhje me këtë mos arbitrim të gjyqtarit me stemën e FIFA-s, foli edhe ish-arbitri, Lorenc Jemini.
I ftuar i përhershëm në studion e “Procesit Sportiv”, Jemini ndër të tjera deklaroi:
“Enea Jorgji ka që në 3 prill që nuk arbitron në Superiore. Ndeshja e fundit ka qenë në Kategorinë e Parë, Dinamo-Kastrioti. Jam interesuar për të mësuar pse nuk arbitron, nuk jep asnjë asnjë shpjegim. Ai nuk është arbitër dosido, është ndërkombëtar. Eshtë gjyqtari më i mirë. Duhet të dalin dhe të japin një arsye.
Në qoftë se është i dëmtuar, duhet të jepet shpjegim. Kjo hamullia, mund të jetë e vërtetë për shkak të deklaratës që dha në intervistë.
Të dalë shefi i arbitrave dhe ai i shoqatës të japë një shpjegim për mediat. Kur kam dalë për herë të parë në Procesin Sportiv në 2015, më lanë nja 3 javë pushim. Ndoshta dalja në media, mund të jetë një arsye”, u shpreh Jemini.
