Burime për Klan News bëjnë me dije se Policia e Mirditës ka bërë të mundur kapjen e Martin Bardhit, i cili së bashku me të birin Erind Bardhi qëlluan drejt makinës së Sajmir Reçit i cili ju shpëtoi plumbave. Akoma vijon të jetë në kërkim djali i tij, Erind Bardhi.
Por si nisi ngjarja?
Mësohet se Enrik Bardhi është konfrontuar fizikisht me Sajmir Reçin më pas ka shkuar në banesë ku ka marrë armën e zjarrit.
Është kthyer në vendngjarje dhe ka qëlluar Reçin në momentin që ky i fundit po largohej.
Në tentativë për të ikur, Sajmir Reçi ka humbur kontrollin e makinës së tij të blinduar tip BMË duke u përplasur me bordurën e rrugës dhe duke përfunduar në ambientet e një karburanti.
Fatmirësisht, i riu nuk mori plagë ndërsa policia është në kërkim të autorit të ngjarjes si dhe babait të tij Martin Bardhi i cili mësohet se ka qenë në vendngjarje.
