Një 32-vjeçar është paraqitur në spitalin e Shkodrës i plagosur lehtë në këmbë.
Policia bën me dije se i riu Denis Muja, është dëmtuar me armë zjarri në banesën e tij, në rrethana ende të paqarta.
Shkodër/Informacion paraprak
Në urgjencën e Spitalit Rajonal Shkodër, është paraqitur për ndihmë mjekësore, shtetasi D. M., 32 vjeç, banues në lagjen “Salo Halili”. 32-vjeçari është dëmtuar lehtë në këmbë, dyshohet me armë zjarri, në rrethana ende të paqarta, në banesën e tij.
Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, po punon për zbardhjen e plotë të rrethanave të këtij rasti.
