Shkodra Post
AktualitetLajmi i FunditSport

Kupa “Agim Tafili” në Çiklizëm, etapa e parë/ Flavio Venomi i Vllaznisë i pari për Junior dhe Veliaj Tirana për Elitë…

Olsi Veliaj i Tiranës për kategorinë Elitë dhe Flavio Venomi i Vllaznisë për kategorinë Junior, janë fituesit e etapës së parë për Kupën Agim Tafili, aktiviteti ky i mbështetur nga Bashkia Shkodër në bashkëpunim me Federatën Shqiptare të Çiklizmit. Ashtu si edhe herët e tjera, tradita e tifozërisë shkodrane ka vijuar me atmosferën e krijuar në finishin e lagjes Parrucë, por edhe më herët duke filluar që nga hyrja e qytetit të Shkodrës e në vazhdim duke krijuar atmosferë festive.

Çiklistët pjesëmarrës, mes të cilëve edhe ato të Vllaznisë të drejtuar nga trajneri Leonat Kola kanë pedaluar në etapën e parë me itenerarin, Fushë Krujë-Rruga e Velipojës-Torrovicë-Rranxë-Balldre-Torrovicë-Shkodër me distancë 122.6 kilometër. Vendin e parë për kategorinë Elitë e ka marrë çiklisti i Tiranës, Olsi Veliaj, i ndjekur nga Brikel Barçi i Studentit i kategorisë U-23 dhe Tefik Salahi i Tiranës i kategorisë U-23. Mes duatrokitjeve të shumta, i pari për kategorinë Junior ka mbërritur çiklisti i Vllaznisë Flavio Venomi, i ndjekur në vend të dytë nga kolegu i tij i Vllaznisë, Angelio Sula dhe në vendin e tretë Geraldo Boshku i Tiranës.Kupa “Agim Tafili” në çiklizëm vijon me etapën e dytë, Shkodër- Balldre-Fishtë-Hajmel-Vau i Dejes-Gomsiqe-me finish në Shkodër, 108 kilometar e gjatë.

Related posts

Shkodër/ Vritet me armë zjarri një 19 vjeçar në lagjen Kiras…

Kryetari i Bashkisë Shkodër z.Bardh Spahia priti në një takim djemtë dhe stafin teknik të Futsallës Vllaznia…

Komisioni i Disiplinës me “dorë të hekurt”, 5 ndeshje pezullim për lojtarin e Tiranës