Shkodra Post
AktualitetSport

Finalja e FSHF Cup/ Panthers Shkodër fiton me goleadë dhe rrëmben trofeun

Sezoni i futbollit amator 9×9 po i drejtohet fundit, teksa është shpallur dhe verdikti i parë i edicionit 2022/2023 me finalen e FSHF Cup. Panthers Shkodër dhe Hidro Alfa u përballën në finalen, që u luajt në fushën e Shtëpisë së Futbollit e që dhuroi spektakël dhe gola.

Panthers kaluan në avantazh në pjesën e parë me golin e Albert Milës, ndërsa në pjesën e dytë thelluan rezultatin me golat e Besford Gjoklajt, Irlind Zajas dhe Valdano Nimanit, duke fiksuar shifrat përfundimtare në rezultatin 4-0 dhe duke siguruar kështu trofeun e dytë më të rëndësishëm në futbollin amator.

Në përfundim të ndeshjes u zhvillua edhe ceremonia e rastit me Drejtorin e Futbollit Amator në FSHF, Jurgen Demneri dhe specialistin e këtij sektori, Igli Mumajesi, të cilët i dorëzuan ekipit fitues medaljet dhe trofeun e FSHF Cup.

Një sezon vërtetë i suksesshëm për futbollin amator, teksa javën e ardhshme pritet të shpallet edhe skuadra kampione e kampionatit FSHF Sunday League Albania, me Prestige dhe Kastriotët që do të përballen në finalen e madhe për titullin.

Related posts

Këshilli ndërfetar në Shkodër/ “Nese jemi bashkë, mund të përballojmë çdo sfidë”…

Redi Jupi: Në këtë kampionat më shumë do të mbahet mend Egnatia se i pari dhe i dyti. Për të mundur 0-4 Vllazninë duhet të…

Kristian Shkreli publikon video nga Naraçi: Çdo rrugë e asfaltuar është prioriteti ynë…