Shkodra Post
AktualitetKronikaLajmi i Fundit

Shiste fara kanabisi, policia e Shkodrës arreston 49 vjeçarin…

Shkodër/Vijojnë kontrollet për parandalimin e tentativave për kultivim të bimëve narkotike.

Evidentohet dhe goditet një rast i shitjes së farave të kanabisit, me qëllim kultivimin e tyre.

Arrestohet në flagrancë një 49-vjeçar, në tentativë për të shitur një sasi farash kanabisi.

Sekuestrohet një qese plastmasi, me rreth 300 fara kanabisi.

Shërbimet e Komisariatit të Policisë Shkodër, në vazhdën e operacioneve të njëpasnjëshme, me fokus parandalimin dhe goditjen që në fazë fillestare, të tentativave për kultivim të bimëve narkotike, me mbështetjen e inteligjencës informative, në kuadër të operacionit policor të koduar “Masat Parandaluese”, kanë arrestuar në flagrancë shtetasin Aagim Bekaj, 49 vjeç, banues në Shkodër.

Gjatë kontrollit fizik ndaj 49-vjeçarit, shërbimet e Policisë gjetën dhe sekuestruan në cilësinë e provës materiale, një qese plastmasi brenda së cilës kishte rreth 300 fara të dyshuara kanabisi. Këto fara dyshohet se do të shiteshin nga shtetasi Aagim Bekaj, me qëllim kultivimin e tyre në terren.

Vijon puna hetimore, në bashkëpunim me Prokurorinë, për zbardhjen e plotë të këtij rasti.

Kontrollet në terren, me qëllim parandalimin dhe goditjen e tentativave për kultivimin të bimëve narkotike dhe për trafikimin e lëndëve narkotike, vijojnë.

Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.

Related posts

Policia e Shkodres procedon penalisht tre përsona…

Amnistia Në Burgje, Mbi 600 Përfitues, Kategoritë Që Do Të Lënë Qelitë…

KUJDES kur hidhni sende nga makina/ Eksperti i Policisë Rrugore: Gjobë deri në 100 mijë lekë kush hedh bishta cigaresh nga dritarja e automjeteve…