Komisioni i Disiplinës ka zbardhur vendimet për javën që lamë pas në Kategorinë Superiore dhe ato inferiore.
Organi i drejtësisë sportive në vend ka dënuar Tiranën dhe Vllazninë me gjobë për sjellje të gabuar të tifozërive përkatëse.
Gjithashtu e ka pësuar edhe lojtari i Kastriotit, Eneid Kodra, i cili duhet të qëndrojë 5 ndeshje pa luajtur. Në vendimet e publikuara nga Federata Shqiptare e Futbollit thuhej:
KF Vllaznia, për sjellje të gabuar të spektatorëve duke hedhur sende në terrenin sportiv, në bazë të nenit 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
KF Tirana, për sjellje të gabuar të spektatorëve duke hedhur sende në terrenin sportiv, në bazë të nenit 65/2 dhe 65/3/c të KDS, dënohet me gjobë në masën 50.000 (pesëdhjetë mijë) lekë.
Lojtari i KS Kastrioti, Eneid Kodra, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
