Shkodra Post
AktualitetLajmi i FunditSport

Kastrioti mund Kukësin dhe vijon të shpresojë te mbijetesa

Kastrioti është i dënuar të besojë deri në fund te mbijetesa. Sot skuadra e drejtuar nga Emiljano Çela mori një fitore shprese me shifrat 1-0 në “Elbasan Arena” ndaj Kukësit.

Sfida nis mirë për verilindorët, të cilët i afrohen golit dy herë në dhjetë minutat e para. Fillimisht ishte Delimedjac, e më pas Basha, të dy lojtarët flirtuan me avantazhin por u ndalën vetëm nga shtylla.

Krutanët marrin epërsinë gjatë zhvillimit të një këndorje në mesin e fraksionit. Saktësi vrasëse e Santiago Selmani, goditje që përfundon pas shpinës së Tafas.

Ekipi i Hallaçit provon të reagojë, të besuarit e Çelës ishin mirë të pozicionuar, duke lënë shumë pak hapësira.

Kastrioti renditet e fundit me 31 pikë, 2 më pak se Bylis i vendit të nëntë. Në krahun tjetër, komplikohet gjithçka për Kukësin, që e sheh veten në vendin e tetë me 36 pikë( nuk fiton prej 5 ndeshjesh).

Related posts

Trajneri i Partizanit: Klubi është i kënaqur nga puna ime. Përsa i përket rinovimit të kontratës…

“Me shëndet Pashkën!”, Kristian Shkreli uron katolikët: Mbështetja juaj është motivim dhe forcë për të bërë më të mirën…

Humb jeten turistja gjermane në Dukagjin, ra në greminë duke vizituar “Shpellen e Harapit”…