Shkodra Post
AktualitetKronikaLajmi i Fundit

I nxorën fotot si vrasës i Nikulajt, portugezi reagon në TikTok: Nuk jam unë ai që përmendni në lajme (Zbulon shtetin ku ndodhet)

Portugezi i dyshuar për vrasjen e Ardian Nikulajt në Shëngjin, në datën 19 Prill, pretendon se imazhi i tij është keqpërdorur nga mediat në Shqipëri dhe se ai nuk ka asnjë lidhje me ngjarjen në fjalë.

Në profilin në tik tok, Ruben Saraiva ka publikuar disa video nga Greqia, shtet ky dyshohet se është larguar pas ngjarjes, dhe pretendon se nuk ka asnjë lidhje me vrasjen e biznesmenit lezhjan.

Policia e Shtetit pretendon se ka pamje me video, të shtetasit portugez, në një makinë me porositësin e dyshuar të vrasjes, Edmond Haxhia, në një mjet tip golf.

Siç shihet dhe nga videot në profilin në tiktak të portugezit, ai është një person shumë i dhënë pas motorave, mjet më të cilin u krye dhe vrasja e Nikulajt në Lezhë.

Motori që u përdor në krim, u gjet dje nga Policia, i fshehur pranë banesës së Haxhisë.

Vrasja e biznesmenit lezhjan dyshohet se është kryer për hakmarrje, pas përplasjeve të vazhdueshme të familjes së tij me fisin Lekstakaj. Këta të fundit janë shpërngulur nga banesat e tyre në zonën e Lezhës, dhe jetojnë prej vitesh në shtetin anglez.

Haxhia është nip në familjen Lekstakaj, dhe ai dyshohet se ka organizuar vrasjen për disa muaj me radhë, pasi kishte mbërritur në Shqipëri Nëntorin e vitit të kaluat, për t’u larguar më pas ditën e vrasjes së Nikulajt.

Related posts

Iftar për besimtarët në Vau Dejës/ Shkreli: Jemi në muaj të shenjtë, agjerim të pranuar…

TOM DOSHI: BARBULLUSHI MBËSHTET PSD DHE SHKRELIN…

Tarifat e reja të ujit, ERRU rrëzon aplikimet për rritje çmimesh të Shkodrës, Elbasanit dhe Beratit…