Shkodra Post
AktualitetEkonomiLajmi i Fundit

Bordi i Transparencës ka njoftuar një tjetër ndryshim të çmimit të karburanteve në vend.

Nafta është ulur me 3 lekë duke u shitur me 174 lekë/litri.

Ulje me nga 1 lek ka pësuar edhe benzina duke e çuar çmimin e saj në 177 lekë/litri.

Me 1 lek është ulur edhe gazi i lëngshëm që do të tregtohet me 66 lekë/litri.

NJOFTIMI I BORDIT TË TRANSPARENCËS:

Vendimet e Bordit të Transparencës në datë 28 Prill 2023 kanë ndryshime të çmimit nga ai i përcaktuar në mbledhjen e fundit.

Si rrjedhojë çmimet e vendosura janë :

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 174 lekë/litri, ndërsa i shitjes me shumicë jo më shumë se 162 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 177 lekë/litri, ndërsa i shitjes me shumicë jo më shumë se 165 lekë/litër.

Çmimi i shitjes me pakicë i nënproduktit gaz, të jetë 66 lekë/litri me pakicë dhe i shitjes me shumicë 54 lekë/litër për automjetet.

Çmimi i gazoilit për peshkim është vendosur 81 lekë/litër.

Çmimet e caktuara nga Bordi do të hynë në fuqi në datë 28 Prill ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.

Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.

Related posts

Dy të moshuar humbin jetën brenda pak orësh në Shkodër, njëri bie aksidentalisht nga kati i 7-të…

27 vite në Institutin e Shkodrës / Profesor Tosollari kujton me nostalgji kohën kur ligjeronte në katedrën e historisë

Të shpallur në kërkim për transport të emigrantëve ilegalë, arrestohen 2 persona në Tiranë dhe Shkodër