Shkodra Post
AktualitetLajmi i FunditPolitikëSport

Titulli “Mirënjohje” për ish-futbollistin Çesk Ndoja/ Ish-kampioni kuqeblu, jeton në Gjermani, Bashkia e nderon në ditën e lindjes…

“Mirënjohje” për kontributin e dhënë si futbollist i formacionit titullar të Vllaznisë kampione dhe fituese të Kupës së Shqipërisë së viteve 70-të. Eshtë ky vlerësimi që kryebashkiaku i Shkodrës Bardh Spahia zgjodhi t’i dorëzojë në ditën e lindjes ish mesfushorit të Vllaznisë Çesk Ndoja.Megjithëse u shkëput herët nga sporti, Ndoja la gjurmët e tij krah emrave të shquar të futbollit shkodran dhe atij shqiptar.

I lindur në Shkodër më 14 shkurt 1949, ai e nisi futbollin që në moshë të vogël tek shtëpia e pionerit me trajner, të mirënjohurin Ernest Halepjani.Kolegët e tij vlerësojnë modelin e futbollistit dhe njeriut që krijoi Çesk Ndoja.Çesk Ndoja ka luajtur në rolin e mesfushorit të djathtë por edhe në atë të ekstremit (sulmuesit) të majtë, në periudhën kur u dëmtua Medin Zhega dhe ai shkoi në Rumani për t’u rikuperuar. Ndoja e ka lanë sportin në vitin 1977 kur ishte vetëm 28 vjeç dhe kishte ende shumë për t’i dhanë futbollit.

Related posts

Policia e Shkodrës arreston dy persona të cilët po transportonin emigrantë…

VIDEO/ Tom Doshi në Rrethina: Fitorja e psd dhe becit e sigurtë…

Një përballje e përgatitur nga News24/ Benet Beci publikon videon…