Në Malësinë e Madhe organizohet eventi i kthyer tashmë në traditë, “Logu i Bjeshkëve 2023”, që bën bashkë artistët, këngëtarët dhe valltarët me fokus promovimiin e turizmit dhe trashëgimisë kulturore.
Ky aktivitet artistik është një shfaqje unike e folklorit dhe xhubletës. Ndërsa, kush do të jetë më e bukura e Bjeshkëve, është konkursi që do të përvijojë eventin.
“Logu i Bjeshkëve 2023”, çel siparin të dielën, në natyrën e mrekullueshme të Qafes së Predelecit, në Kelmend me praninë e shumë spektatorëve shumica prej të cilëve vizitorë të huaj që vijnë nga vende të ndryshme të botës, për tu mbledhur bashkë nën tingujt e instrumenteve shekullore dhe me prezencen e vajzave të bukura të Malësisë së Madhe veshur me veshjen e hijshme dhe unike, xhubletën.
Bashkia Malësisë së Madhe, njoftoi se në këtë aktivitet të rëndëshëm për zonën, vjen të këndojë dhe artistja e dashur kelmendase Lisa Bujaj, e cila jeton prej vitesh në Amerikë.
Spektakli, ku marrin pjesë nga të gjitha artistë nga trevat shqiptare dhe diaspora, promovon turizmin dhe trashëgiminë kulturore të Kelmendit, por edhe të gjithë Malësisë së Madhe.
Pas aktivitetit artistik, i gërshetuar me performancën e vajzave pjesëmarrëse në “Miss Bjeshka 2023”, juria do të shpall edhe më të bukurën e malësisë.
