Erzeni nuk ia doli të merrte një rezultat pozitiv ndaj Partizanit teksa u mposht në shtëpi dhe rrezikon shumë mbijetesën.
Pas ndeshjes trajneri Kapllani foli për Oversport.
“Nuk është dramë që të fitoi Partizani por është dramë për ne që humbëm. Të vjen keq për mënyrën sesi humbasim. Kur ishte loja 1-0 ishte një penallti e dyshimtë për Kadriun.
Mund të merrte rrjedhë tjetër ndeshja. Pas disa ndeshjeve jo të mira sot besoj se kemi qenë të barabarte me Partizanin dhe prisnim dicka më tepër sesa kjo humbje.
Skuadra sot ka qenë më mirë, ka vrapuar më shumë ka fituar duele më shumë ,me e qartë. Një mospërqendrim te fauli i Partizanit na ndëshkoi.
U thashë lojtarëve që mund të jetë skemë. Kur po shkonim drejt portës pas 1-0 u ndëshkuam përsëri. Partizani ka gjithçka dhe luan për lart por edhe ne shpresojmë të rikuperojmë sa më shpejt lojtarët e dëmtuar dhe të vazhdojmë luftën tonë për mbijetesën.” /newsport.al
