Shkodra Post
AktualitetKronikaLajmi i Fundit

Zënkat dhe fyerjet e rënda mes anëtarëve të grupit “Bajri” sollën vrasjen e Gjin Boriçit…

Nga Elton Qyno

Vrasja e Gjin Boriçit, anëtarit të grupit kriminal “Bajri” në Shkodër besohet se është kryer për shkak të një zënke mes vetë anëtarëve të grupit kriminal.

Nuk dihet specifikisht cili ka qënë motivi i këtij sheri dhe shkaku që Gjin Boriçi ka ngritur krye, por nga hetimet e SPAK, ka rezultuar se drejtuesit e grupit kanë vrarë pikërisht ushtarin e tyre.

E teksa kanë bërë planë dhe vrasjen e realizuan në orët e mbrëmjes, të nesërmen kanë shkuar në shtëpinë e Gjin Boriçit për ngushëllim si dhe në varrimin e tij.

Për shkak të konfliktit Gjin Boriçi i ka sharë drejtuesit e grupit, ndaj dhe kjo nuk është toleruar prej tyre, duke vendosur ta eleminojnë.

Vrasja e Gjin Boriçit është kryer në mbrëmjen e 9 Gushtit 2020, ndërsa si organizatorë dhe autorë të vrasjes janë Pëllumb Gjoka, Behar Bajri, Ervis Martinaj dhe Denis Brajoviçi.

Ndërkohë vetëm njëri prej tyre është mundur të kapet, i cili rezulton të jetë biznesmeni dhe investitori strategjik, Pëllumb Gjoka.

Për vrasjen e Boriçit sipas bisedave të përgjuara në aplikacionet “Sky dhe “Enco” besohet se janë paguar nga 50 mijë deri në 100 mijë euro.

Të arrestuar deri tani
Pëllumb Gjoka 
Edmond Preka
Astmer Bilali
Ardit Hasanbenga
Oltion Bistri
Xhevahir Lita
S.T. i arrestuar në flagrancë
N.F. i arrestuar në flagrancë

Në kërkim
Behar Bajri
Ervis Martinaj
Elion Hato
Denis Brajoviç
dhe 3 të tjerë

/oranews/

Related posts

Fjala e kadidatit Spahia në takimin elektoral në pallatin e sportit “Qazim Dervishi”, i pranishëm lideri historik i PD z. Sali Berisha…

Parkingje private me mjete rrethanore, Policia Bashkiake në Shkodër ia rikthen hapësirat e zaptuara qytetarëve…

I vranë babanë para syve kur ishte 10 vjeç, historia si nëpër filma e të penduarit Tafani…